ადიდებულმა მდინარემ გზები და ეზოები დატბორა – სტიქია ქუთაისში

ქუთაისში სტიქიას ებრძვიან. რამდენიმე საათანი წვიმის შედეგად მდინარე ოღასკურა ადიდდა და საავტომობილო გზა და კორპუსის ეზოები დატბორა. infoimeret-ის ინფორმაციით, მძიმე მდგომარეობაა ავტოქარხნის მარჯვენა დასახლებაშიც, სადაც წყალი საცხოვრებელ სახლებში შევარდა. გარდა ამისა, წერეთლის ქუჩაზე, წყალი საავტომობილო გზაზე დგას, რის გამოც მანქანებს გადაადგილება უჭირთ.