იაგო ხვიჩია: “ამისთვის შევარდით საზმაუში? ესაა ევროპისთვის ბრძოლა?”

“გირჩის“ ლიდერი იაგო ხვიჩია ფეისბუქზე პოსტს ავრცელებს: „ოპოზიციას აქვს, სულ მცირე სამი უფრო პოპულარული არხი, ვიდრე საზოგადოებრივი მაუწყებელი. სამივეზე განსხვავებული აზრის, იმაზე უარესი ბლოკადაა მოწყობილი, ვიდრე ოდესმე ყოფილა საზმაუზე ვასილ მაღლაფერიძის პირობებში. (კომუნისტების დროს რა იყო, არ ვიცი). ეს ხალხი ვის ეთერში საჯდომადაც იყო ბრძოლა, ისედაც სულ ეთერებში ზიან და არაფერს ამბობენ. ახლაც დასვეს საზმაუზე და რა? რას ამბობენ ისეთს, რასაც ნაც მედიაში ვერ ილაპარაკებდნენ? ამისთვის შევარდით საზმაუში? ესაა ევროპისთვის ბრძოლა? არ სჯობს, საკუთარი დაბლოკილი ეთერები გახსნათ და ლაპარაკის დაწყება მოსთხოვოთ მოწვეულ სტუმრებს? ნაცვლად იმისა, რომ შევარდეთ და, რაც თქვენთან გაქვთ, იმნაირი უაზრო კონცერტი მოაწყოთ საზმაუზეც”, _ წერს ხვიჩია.