“ორს ავტომობილიდან გადმოხტომა მოუსწრია, ორს კი, ვერა _ სენაკში მომხდარი ავარიის უმძიმესი დეტალები

"გურია ნიუსისთვის" სენაკში მომხდარი უმძიმესი ავარიის შესახებ ახალი დეტალები ხდება ცნობილი. როგორც წყარო გვიყვება, ორმა ავტომობილიდან გადმოხტომა შეძლო, ორი კი დაშავდა. დაშავებულთაგან ერთი, 25 წლამდე ასაკის მამაკაცი ქუთაისის ერთ-ერთ კლინიკაში, მართვით სუნთქვაზე იმყოფება. "საშინელი ხმა ჰქონდა. ორს ავტომობილიდან გადმოხტომა მოუსწრია და ამან იხსნა, ორს კი, სამწუხაროდ, ვერა. დაშავებულები ადგილობრივ საავადმყოფოში შეიყვანეს, მათგან ერთი გვიან ღამითვე, რეანომობილით ქუთაისის ერთ-ერთ კლინიკაში გადაიყვანეს. მის გადასარჩენად ექიმები ამ წუთებშიც იბრძვიან. რაც შეეხება მეორე დაშავებულს, მის სიცოცხლეს საფრთხე არ ემუქრება", _ ამბობს წყარო. შეგახსენებთ, ავტოსაგზაო შემთხვევა გუშინ, გვიან ღამით მოხდა _ ავტომობილი, რომელშიც 25 წლამდე ახალგაზრდები ისხდნენ, ბორდიურს შეასკდა. ორ დაშავებულს სასწრაფოს ექიმებმა ადგილზევე გაუწიეს დახმარება, ორი კი საავადმყოფოში გადაიყვანეს. ჩვენი ინფორმაციით, ახალგაზრდები აბაშიდან არიან. [simple-author-box]