„ჩოხატაურს ტურისტულ ცენტრად გახდომის უნიკალური შესაძლებლობა აქვს“

დღეს, ჩოხატაურში, „ქართული ოცნების“ მერობის კანდიდატის წარდგენაზე საქართველოს პრემიერ-მინისტრმა ირაკლი ღარიბაშვილმა განაცხადა, რომ ჩოხატაური ტურისტული ცენტრი უნდა გახდეს. „ჩოხატაური მართლაც გამოირჩევა თავისი სილამაზით, თავისი პოტენციალით. აქ შეიძლება ბევრი რამ გაკეთდეს და ამ მიმართულებით ჩვენ ძალიან ბევრს ვგეგმავთ. ეკოტურიზმი უნდა იყოს ერთ-ერთი მთავარი წამყვანი და ზოგადად, ტურისტული ცენტრი უნდა გახდეს ჩოხატაური. ამ ადგილს აქვს ამის უნიკალური შესაძლებლობა“, _ განაცხადა ირაკლი ღარიბაშვილმა.