ძლიერმა სეტყვამ და ქარმა ლაგოდეხის მუნიციპალიტეტში პრობლემები შექმნა

ძლიერმა სეტყვამ და ქარმა, ლაგოდეხის მუნიციპალიტეტის, სოფელი ჭიაური და წითელგორი დააზარალა. "სტიქიამ, მოსახლეობას საცხოვრებელ სახლებთან ერთად, სასოფლო - სამეურნეო სავარგულების და სათბურების ნაწილი დაუზიანა. დაზიანებულია ელსადენების გადამცემი ბოძები, მოგლეჯილია ხეები",_ აცხადებენ ლაგოდეხის მუნიციპალიტეტის მერიაში. მათივე განცხადებით, მიმდინარეობს ინტენსიური გაწმენდითი სამუშაოები.