ერთ-ერთი მაღაზიათა ქსელის ფილიალი გაქურდეს

ქუთაისში დაუდგენელმა პირებმა მაღაზიათა ქსელ "მაგნიტის" ფილიალი გაქურდეს. შემთხვევა ასათიანის ქუჩაზე მოხდა. არსებული ინფორმაციით, უცნობმა პირებმა მაღაზიის კარი ე.წ. ატმიჩკით გააღეს და სიგარეტები წაიღეს. როგორც მაღაზიის თანამშრომლები ამბობენ, სავარაუდოდ, არასრულწლოვნები ობიექტზე სამი წუთის განმავლობაში იმყოფებოდნენ. ორი მათგანი ძარცვაში მონაწილეობდა, ერთი კი გარე პერიმეტრს აკონტროლებდა. "მთავარ არხს" შინაგან საქმეთა სამინისტროში განუცხადეს, რომ მომხდარზე გამოძიება 177-ე მუხლით დაიწყო, რაც ქურდობას გულისხმობს. წყარო: mtavari.tv