ჰაკერებმა რუსეთის სასამართლოს ელექტრონულ არქივში 89 მილიონი აქტი გაანადგურეს

ჰაკერებმა რუსეთის სასამართლოს ელექტრონულ არქივში 89 მილიონი აქტი (საქმეების 33%) გაანადგურეს. ინფორმაციას პროექტი "Если быть точным" რუსეთის საანგარიშო პალატის მიერ 2025 წლის მაისში გამოქვეყნებულ მოხსენებაზე დაყრდნობით ავრცელებს. ეს აქტები "კონსოლიდირებულ მონაცემთა ბაზაში" ინახებოდა, სადაც რუსეთის სასამართლოების ყველა გადაწყვეტილებაა განთავსებული. "2024 წლის 7 ოქტომბერს მომხდარი კიბერ-ინციდენტის შედეგად, საინფორმაციო სისტემების მითითებული მონაცემები წაიშალა", - ნათქვამია პალატის ანგარიშში. ანგარიშის თანახმად, GAS "Justice"-ის ვებსაიტების გარე უსაფრთხოება ბოლოს 2015 წელს შემოწმდა და თავად სისტემა არასდროს ყოფილა სრულად განახლებული და "ტექნიკურად მოძველებულ უცხოურ პროგრამულ პროდუქტებზე" მუშაობს. ამავდროულად, 2003 წლიდან 2024 წლამდე რუსეთის ხელისუფლებამ GAS „Justice“-ზე 65.2 მილიარდი რუბლი დახარჯა. 2024 წლის ოქტომბერში განხორციელებულ კიბერშეტევაზე პასუხისმგებლობა უკრაინულმა დაჯგუფებამ BO Team აიღო.