კიდევ ერთი მნიშვნელოვანი პროექტი ჩოხატაურში

ჩოხატაურში კიდევ ერთი მნიშვნელოვანი ინფრასტრუქტურული პროექტი განხორციელდა. ხიდისთავის ადმინისტრაციულ ერთეულში, სოფელ წიფნაგვარაში, ახალი საავტომობილო ხიდის მოწყობის სამუშაოები დასრულდა. პროექტი სტიქიის შედეგების სალიკვიდაციო ღონისძიებების ფარგლებში 547 000 ლარით დაფინანსდა. სამუშაოები ჩოხატაურის მუნიციპალიტეტის მერმა დავით შარაშიძემ სახელმწიფო რწმუნებულის ადმინისტრაციისა და ადგილობრივი თვითმმართველობის წარმომადგენლებთან ერთად მოინახულა.