მოსკოვმა უკრაინის შეიარაღებული ძალების 92 წევრს ბრალი წაუყენა

BBC- ის ინფორმაციით, მოსკოვმა უკრაინის შეიარაღებული ძალების 92 წევრს ბრალი წაუყენა კაცობრიობის წინააღმდეგ ჩადენილ დანაშაულში. რუსეთის საგამოძიებო კომიტეტის ხელმძღვანელმა განაცხადა, რომ 1300-ზე მეტი სისხლის სამართლის გამოძიება დაიწყო. მან ასევე წარმოთქვა იდეა საერთაშორისო ტრიბუნალის შექმნის შესახებ, რომელსაც მხარს დაუჭერენ ქვეყნები, მათ შორის ირანი, სირია და ბოლივია - რუსეთის ტრადიციული მოკავშირეები. 92-ის გარდა, რომლებსაც უკვე წაუყენა ბრალი რუსეთმა, იძებნება 96 ადამიანი, მათ შორის 51 შეიარაღებული ძალების მეთაური, _ საგამოძიებო კომიტეტის ხელმძღვანელმა განაცხადა. მისი განცხადებით, უკრაინელები ჩართულნი იყვნენ "დანაშაულში კაცობრიობის მშვიდობისა და უსაფრთხოების წინააღმდეგ". BBC-მ ვერ შეძლო ინტერვიუში გამოთქმული პრეტენზიების გადამოწმება და კომენტარი ჯერ კიევსაც არ გაუკეთებია. მაგრამ ამ თვეში, უკრაინამ განაცხადა, რომ იკვლევს 21000-ზე მეტ სამხედრო დანაშაულს და აგრესიის დანაშაულს, რომლებიც სავარაუდოდ ჩადენილი იყო რუსული ძალების მიერ თებერვალში შეჭრის დაწყების შემდეგ.