როდემდე იქროლებს დასავლეთ საქართველოში ძლიერი ქარი

დასავლეთ საქართველოში ძლიერი ქარი დღესაც შენარჩუნდება. "გურია ნიუსთან" საუბრისას გარემოს ეროვნული სააგენტოს მოკლევადიანი ამინდის პროგნოზის ბიუროს ხელმძღვანელი დოდო გვაზავა ამბობს, რომ ქარის სიჩქარე დროგამოშვებით 32 მ/წმ-ს მიაღწევს. "დღესაც იქროლებს აღმოსავლეთის მიმართულების ძლიერი ქარი. დროგამოშვებით ქარის სიჩქარე მიაღწევს 32 მ/წმ-ს სამეგრელო- იმერეთის ტერიორიაზე. ძლიერი ქარი იქნება გურიაშიც. დანარჩენგან იქროლებს 20-იდან 29 მ/წმ-ამდე სიძლიერით. ამ საღამოდან ქარის სიძლიერე დაიკლებს, თუმცა სამეგრელო - იმერეთში დროგამოშვებით მაინც ძლიერი იქნება 30 მ/წმ-ამდე. ხვალ დღის მეორე ნახევრიდან დღევანდელთან შედარებით მკვეთრად შესუსტდება",_ ამბობს გვაზავა.