სად შეეძლებათ გურიის მაცხოვრებლებს „ასტრაზენეკას“ მეორე დოზის გაკეთება

საქართველოში "ასტრაზენეკას" 5000 დოზა ჩამოვიდა, თუმცა როგორც ოზურგეთის საზოგადოებრივი ჯანდაცვის ცენტრში „გურია ნიუსს“ განუცხადეს, ქვეყანაში შემოტანილი ვაქცინიდან რეგიონში არცერთი არ შესულა. „ახალი დოზები კი ჩამოვიდა საქართველოში, მაგრამ 3 დიდ ქალაქში უნდა გაკეთდეს. ვისაც მეორე დოზა აქვს გასაკეთებელი და 10-12 კვირა არის გასული ვაქცინის პირველი დოზის გაკეთებიდან, შეუძლიათ დარეგისტრირდნენ ან თბილისში, ან ქუთაისში და ბათუმში და იქ გაიკეთებენ „ასტრაზენეკას“. ამ ეტაპზე მხოლოდ დიდ ქალაქებშია შესაძლებელი "ასტრაზენეკათი" ვაქცინაცია“,_ ამბობენ ჯანდაცვის ცენტრში. ჯანდაცვის მინისტრის განცხადებით, „ფაიზერით“ და „ასტრაზენეკათი“ ვაქცინაცია მხოლოდ კლინიკების ნაწილში ჩატარდება, „სინოფარმით“ და „სინოვაკით“ ვაქცინაცია შესაძლებლი იქნება დამატებით მოწყობილ ცენტრებში.