„ვარდებს წყალში ვდიე, უხეიროდ აკეთეს საქმე და გამინადგურეს ამდენი ნაშრომი“

ოზურგეთში, ექადიის უბანში, გიორგი ბრწყინვალის ქუჩაზე, წუხანდელმა წვიმის ნიაღვარმა, აქ მცხოვრებ მაკა გობრონიძეს მთლიანად გაუნადგურა ვარდებს ბარი და ბოსტანი, სხვადასხვა ნარგაობები. _ექადიის ტყე-პარკის რეაბილიტაცია ხდება. ეს არხები, სანიაღვრე პირდაპირ ჩვენს ეზოზეა მომართული. საშინელება გვჭირს, წუხელ, ნიაღვარმა მიწასთან გაასწორა ჩემი ოჯახის ნაშრომი. წყალი სახლში შემოვარდა, წააქცია ღობეები, ბოსტანში აღარაფერი მაქვს,_ ტირილით საუბრობს „გურია ნიუსთან“ მაკა გობრონიძე. ქალბატონი მაკას ვარდები მთელ საქართველოშია ცნობილი. „გზამშენი-18“-ის უფროსი თემურ ჯახვა ჩვენთან საუბრისას ამბობს, რომ ამ საქმის მოგვარება ოზურგეთის მერიის მოვალეობაა. ოზურგეთის მერიის ზედამხედველობის სამსახურში, ჯერჯერობით , ჩვენს სატელეფონო ზარს არ პასუხობენ. [simple-author-box]